കേള്‍ ആകാശത്തില്‍ മഹത്വ ഗീതങ്ങള്‍ മുഴങ്ങുന്നു, ആനന്ദിച്ചു

കേള്‍! ആകാശത്തില്‍ മഹത്വ
ഗീതങ്ങള്‍ മുഴങ്ങുന്നു,
ആനന്ദിച്ചു ദൂത സംഘം
ഹല്ലേലുയാ പാടുന്നു

സ്തോത്രം ഉന്നതത്തില്‍ സ്തോത്രം
എന്നു ദൂതര്‍ ആര്‍ക്കുന്നു
ഭൂവില്‍ പ്രീതി സമാധാനം
എന്നു ഗീതം പാടുന്നു

ബെത്ലഹേം ഗ്രാമത്തില്‍ ഇന്നു
ക്രിസ്തുയേശു ജാതനായ്‌
ലോക പാപ ശാപം തീര്‍പ്പാന്‍
വന്നു പാരില്‍ സാധുവായ്‌

മര്‍ത്യരേ, സന്തോഷത്തോടെ
ഈ വിശേഷം ഘോഷിപ്പിന്‍
തന്‍ വിശുദ്ധ നാമം ഏറ്റു
രക്ഷാമാര്‍ഗ്ഗം തേടുവിന്‍

ലോകരെ രക്ഷിപ്പതിന്നു
ജാതനായ യേശുവേ
രാജനായി എന്നും തന്നെ
എന്നില്‍ വാസം ചെയ്യുകെ

താത ജാതനാത്മനാകും
ഏക ത്രിത്വ ദൈവമേ
സ്തോത്രം ഇന്നും എന്നെന്നേയ്ക്കും
സര്‍വ്വരും നല്‍കീടട്ടെ